पोखरा,
गण्डकी प्रदेश सरकारबाट नेकपा एमालेले आफ्ना मन्त्री फिर्ता बोलाउने भएको छ । केही बेर अघि बसेको संसदीय बोर्डको बैठकले मन्त्रीहरू फिर्ता बोलाउने निर्णय गरेको प्रमुख सचेतक देवका पहारीले जानकारी दिइन् ।
‘संसदीय बोर्डले निर्णय गरेको छ । उहाँहरू सामूहिक रूपमै राजीनामा बुझाउनुहुन्छ,’ पहारीले भनिन्, ‘यसपछि कसरी अघि बढ्ने भन्ने छलफलमै छौँ ।’ नेकपा एमाले र नेपाली कम्युनिस्ट पार्टीबिच राष्ट्रिय स्तरको सहकार्य भएपछि गण्डकीमा पनि सरकारबाट एमाले बाहिरिन लागेको हो ।