काठमाडौं :
आइतबार (आज) देशको पहाडी भू–भागमा मौसम आंशिक रुपमा बदली भएको छ । पश्चिमी वायुको आंशिक प्रभाव परेकोले मौसममा केही ठाउँमा बदली हुने भएको हो ।
जल तथा मौसम विज्ञान विभागको मौसम पूर्वानुमान माहाशाखाका अनुसार कोशी, गण्डकी र कर्णाली प्रदेशका उच्च पहाडी तथा हिमाली भू–भागका विभिन्न स्थानमा हल्का हिमपातको सम्भावना रहेको छ ।
मौसम बदली भएसँग तराईका प्रायः सबै जिल्लाहरूमा कुहिरो र हुस्सु पनि लागेको छ । जसले गर्दा त्यहाँको बिहानको जीवन प्रभावित भएको छ ।