काठमाडौं :
फिल्म ‘खजुरे ब्रो’ले आफ्नो पहिलो गीत सार्वजनिक गरेको छ। आइतबार काठमाडौंमा पत्रकार सम्मेलन गर्दै फिल्ममा समावेश गीत ‘लभ गर्ने मान्छे’ को भिडियो सार्वजनिक गरेको हो।
भट्टीको सेटिङमा तयार पारिएको गीतको भिडियोमा फिल्मका मुख्य कलाकार रियर राई,महेश त्रिपाठी लगायतमा अन्य कलाकारले नाचेका छन्। यस फिल्मका मुख्य भुमिका ‘खजुरे’ बनेका रियर राई रहेका छन्।
धरानमा सुटिङ गरिएको यो फिल्मको गीतमा अनमोल गुरुङको शब्द तथा संगीत रहेको छ। गीतलाई संगीतकार अनमोल र अनुपम गुरुङसँगको स्वर सुन्न सकिन्छ। पुर्व मिस नेपाल समेत रहेकी फिल्मकी मुख्य अभिनेत्री नीति शाहले यहि फिल्मबाट नेपाल रजतपटमा डेब्यू गरेकी छन्।
बैशाख २८ गते रिलिज हुने फिल्ममा नीति, रेयर तथा महेशका अलावा नविन मानन्धर,प्रकाश भुजेल,बिनिता थापा मगर,सुष्मा निरौला, पुस्कर कार्की,मनिष राउत,प्रेम सुब्बा, सुजाता राई,शान्तिला तामाङ, पवन लिम्बु, दीप चन्द्र राई (कान्छी) लगायतको अभिनय रहेको छ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण भएको यस फिल्मका निर्माता नविन मानन्धर तथा सुरज सुनुवार हुन्। अनिल मानन्धर र पिकेश मानन्धर यसका सहनिर्माता रहेको यस फिल्मका डायमण्ड उप्रेती कार्यकारी निर्माता रहेका छन्।
फिल्ममा शिशिर विशंखेको छायाँकन तथा मित्र डि गुरुङको सम्पादन रहेको छ छ भने लेखन–निर्देशन सुरज सुनुवारको छ। यस फिल्मलाई रोहित तथा रत्नको आरआर फिल्मस्ले वितरण गर्दैछ।
