काठमाडौं :
फागुनको १८ गतेबाट रिलिजमा आएको फिल्म ‘अगस्त्य’ले साढे ४ करोड कमाई गरेको छ। निर्माण टिमले शुक्रबार २ करोणमा निर्माण भएको फिल्मले ४ करोड कमाएको निर्माण पक्षको पक्षले दाबी गरेको हो।
आँकडामा फिल्मले नेपाली बक्स अफिसबाट २ करोड ६१ लाख ग्रस कलेक्शन गरेको छ । यस्तै, ओभरसिजबाट १ करोड ९७ लाख र विश्व बजारबाट ४ करोड ५८ लाखको ग्रस कलेक्शन गरेको निर्माताले जानकारी दिएका छन्।
सौरभ चौधरीको लेखन तथा निर्देशनमा तयार भएको यो फिल्ममा सौगात मल्ल, नाजिर हुसेन, प्रमोद अग्रहरी लगायतका कलाकारको अभिनय छ । फिल्म ‘अगस्त्य’को च्याप्टर २ लाई सन् २०२६ मा रिलिज गर्ने जानकारी पनि निर्माणपक्षले दिएको छ ।