काठमाडौँ/
प्रधानमन्त्री पुष्पकमल दाहाल प्रचण्डले इजरायलको बङ्करमा रहेका नेपाली विद्यार्थीसँग भिडियो कुराकानी गरेका छन । सिक्दै कमाउँदै कार्यक्रमअन्तर्गत सुदूरपश्चिम विश्वविद्यालयबाट इजरायल गएका ४९ जना विद्यार्थीका नेता विपिन सुवेदीसँग प्रधानमन्त्री प्रचण्डले भिडियो च्याट गरेका हुन ।
सरकारले उद्धारको पहल गरिरहेकाले नआत्तिकन प्रचण्डले आग्रह गरे । उद्धारको प्रक्रिया भइरहेको र चाँडै नै सफल हुने उनको भनाइ छ ।
विद्यार्थी विपिन आचार्यले आफूहरू बङ्करमा रहेकाले छिटो भन्दा छिटो उद्धार गरिदिन आग्रह गरे । दूतावासले तयारी अवस्थामा रहनु भनेकाले आफूहरू तयारी अवस्थामा रहेको पनि उनले बताए ।
इजरायलको किबुज अलुमिम भन्ने ठाउँमा प्यालेस्टिनको विद्रोही समूह हमासको आक्रमणबाट १० जना नेपालीको ज्यान गएको छ । चार जनाको स्थानीय अस्पतालमा उपचार भइरहेको छ । साथै सम्पर्कविहीन रहेका एक जना नेपालीको खोजी भइरहेको इजरायलमा रहेको नेपाली राजदूतावासले जनाएको छ ।