पोखरा /
पोखरामा चितुवा धपाउने क्रममा एक प्रहरी जवान घाइते भएका छन् । प्रहरी चौकी छोरेपाटनमा कार्यरत स्याङजाका ३२ वर्षीय प्रहरी जवान नारायण प्रसाद तिवारी घाइते भएका हुन् ।
पोखरा महानगरपालिका १७ छोरेपाटनस्थित शनिबार बेलुकी करिब साढे ५ बजे श्याम बास्तोलाको बारीमा चितुवा आएको सूचनापछि प्रहरी टोली धपाउन पुगेका थिए ।
चितुवाले प्रहरी जवान तिवारीलाई नङग्राले कम्मरमा चिथोरेर घाइते बनाएको प्रहरीले जानकारी दिएको छ । उपचारपछि उनका अवस्था सामान्य रहेको प्रहरीले जनाएको छ ।