काठमाडौं :
गायक प्रकाश सपुतको गीत ‘सकम्बरी’बाट चर्चामा आएकी कुसुम शर्मा फिल्म ‘माइली’मा अनुबन्धित भएकी छन्। रुना इन्टरटेन्ट्मेन्टको ब्यानरमा बन्ने भनिएको यस फिल्ममा निर्माण टिमले कुसुमलाई अनुबन्ध गरिएको हो।
फिल्म युनिटले कुसुमको पोस्टरलुक पनि सार्वजनिक गरेको छ। सार्वजनिक पोस्टरलुकमा उनलाई कालो चस्मामा गम्भीर भावमा देखाइएको छ। उनको पृष्ठभूमिमा एक महिलाले केही काम गरिरहेको देख्न सकिन्छ। टिकटक तथा म्युजिक भिडियोबाट उदाएकी हुन्। उनले यो फिल्मबाट निकै आशावादी रहेको तर्क समेत गरेकी छन्।
बाबू साहेब बलामीको कन्सेप्ट र निर्देशन रहने फिल्ममा कुसुमको अनुबन्धसँगै फिल्मका लागि कलाकारको लाइनअप पुरा भएको निर्माण टिमको भनाई छ। यसअघि फिल्ममा प्रियंका कार्की, करिश्मा मानन्धर, कमला घिमिरे, सुष्मा लामा, अंशु महर्जन अनुबन्धित भइसकेका छन् ।
निर्देशक बलामीले सत्य घटनामा आधारित हुने भनिएको फिल्ममा महिलाको पीडा देखाइने बताएका छन्।
यहि असारको अन्तिमबाट छायांकन गरिने फिल्म मकवानपुरको वीरखर्ग, कुलेखानी, काठमाडौं र दुबईमा खिचिनेछ । फिल्म शंकर अधिकारी ‘घायल’को गीत र पटकथा, सम्बाद तथा राजेन्द्र बजगाईको संगीत रहनेछ ।