काठमाडौं :
भारतिय अभिनेता शाहरुख खानले एक वृद्धलाई आफु नजिक आएको भन्दै धकेलेका छन्। उनले हालै स्विट्जरल्यान्डमा आयोजना भइरहेको ७७औँ लोकार्नो फिल्म महोत्सवमा सहभागी हुँदाको समयमा धकेलाका हुन्।
उनी यस महोत्सवमा पार्डो अल्ला कैरियरा अवार्डद्वारा सम्मानित भएका छन्। सोही क्रममा उनी रेड कार्पेटमा जाँदा वृद्धलाई धकेलेको भिडियो भाइरल भइरहेको छ। उक्त भिडियो भाइरल भएपछि शाहरुख खान समेत विवादमा परेका छन्। सामाजिक सञ्जालमा ‘शेम अन यु शाहरुख’ ट्रेन्डिङ भइरहेको छ।
उक्त ठाउँमा के भएको थियो भने ब्ल्याक सूटमा सजिएर फिल्म महोत्सवमा उपस्थित भएका शाहरुख खानले आफ्नो हात पेन्टको खल्तीमा राख्दै पोज दिइरहेका थिए। उनी नजिकै उभिएको एक व्यक्तिले उनको साथमा आफ्नो फोटो खिचाउन चाहेको देखिन्छन्छन्। शाहरुखले उक्त व्यक्तिलाई क्यामेराको फ्रेमबाट हटाउन आफ्नो हातले पछाडि धकेलेका हुन्।
यस भिडियामा कमेन्टकर्ताले लेख्छन्,‘उसले वृद्ध व्यक्तिलाई धक्का दियो, लाजमर्दो।” अर्कोले लेखेका छन्, “मलाई सधैँ थाहा थियो कि ऊ जति राम्रो बन्ने कोसिस गर्छ, उति राम्रो छैन।’