काठमाडौं :
मिलन चाम्सको निर्देशनमा तयार भएको फिल्म ‘वर एण्ड वधु’मा समावेश नयाँ गीत सार्वजनिक गरिएको छ। निर्माण टिमले बिहीवार युटुबमार्फत ‘सिरी सिरी हावाु बोलको गीत रिलिज गरेको हो।
गीतमा सुगम पोख्रेल र नेहा करोदेको स्वर, नरेश भट्टराईको शब्द र युग भुसालको संगीत समावेश छ। यो गीतको भिडियोमा यो फिल्मका मुख्य कलाकार अभिनेत्री आँचल शर्मा र नव(अभिनेता विवेक कर्माचार्यले अभिनय गरेका छन्।
नेपाल र रोमानियाको लोकेशनमा खिचिएको यो यो फिल्मको लगानी जानुका थापाले गरेकी छन्। फिल्मका कार्यकारी निर्माता अमित रिजाल रहेका छन्।
यही भदौको १४ गतेबाट प्रदर्शन हुने यो फिल्मलाई सुदिप बरालले खिचेका हुन् भने सम्पादन मिलन श्रेष्ठको छ। साहिल खानको ट्रेलर, हिमाल केसीको एक्सन, प्रदीप भारद्वाजको लेखन, रविन्द्र न्यौपाने र अनिस स्याङ्देनको कोरियोग्राफी, सन्तोष लामाको कला निर्देशन, अर्जुन पोखरेलको संगीत छ।
यो फिल्ममा आँचल शर्मा, विवेक कर्माचार्य, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन र सिता न्यौपानेको अभिनय छ। यस अघि सार्वजनिक भएको गीतलाई दर्शकले मन पराएका थिए।