काठमाडौँ :
हरर कमेडी जनरामा बनेको फिल्म ‘फिरफिरे फिरिरी’को टाइटल गीत सार्वजनिक भएको छ। बिहिबार निर्माण टिमले फिलमको गीत युटुबमार्फत रिलिज गरेको हो।
बिन्दबासिनी क्रियसनको ब्यानरमा निर्माण गरिएके यो फिल्मको शिर्ष गीतमा प्रशान्त सिवाकोटीको शब्द, संगीत र रहेको छ भने स्वर भरत अधिकारी,प्रशान्त सिवाकोटी,टिकाराम श्रेष्ठ र रोषा फुयाँलले दिएका छन्। फिल्मको गीतमा प्रमुख पात्रहरु सबै फिचर्ड छन्।
सन्दिप श्रेष्ठ र नबिन भट्टको लेखन रहेको फिल्मले दर्शकलाई पूर्ण मनोरंजन प्रदान गर्नेमा निर्माण टिम ढुक्क देखिएको छ। यसै फिल्मबाट सन्दीप श्रेष्ठ र भावना उप्रेतीले नेपाली रजतपटमा डेब्यु गर्दैछन्। आगामी कार्तिक २२ गते छठ पर्वको दिनबाट प्रदर्शनमा आउन लागेको यो फिल्मको पोस्टर अनन्त घिमिरेले डिजाइन गरेका हुन्।
फिल्ममा मनोज कुमार अधिकारी,सन्दिप श्रेष्ठ, भावना उप्रेती,शंकर सेढाई, पिटर प्रिन्स, रबिना केसी,पुष्प अवस्थी,सूर्यमान लिम्बु लगायतका कलाकारको अभिनय रहेको छ। जितु तामाङले खिचेको योफिल्ममा रोशन दास,प्रकाश दाहाल र अग्नि सुबेदीको सहायक निर्देशन,केशव राज भट्टको कोरियोग्राफी,एलिस कार्कीको ब्याकराउण्ड म्युजिक,प्रशान्त सिवाकोटीको संगीत,अमित श्रेष्ठको साउण्ड डिजाइन,अनन्त घिमिरेको सम्पादन तथा कलर संयोजन रहेको छ।
फिल्मलाई मनोज कुमार अधिकारीले निर्माण गरेका हुन्। निर्माता अधिकारीले यसअघि ‘नौ डाँडा पारी’, ‘मंगलसुत्र’जस्ता फिल्म निर्माण गरेका थिए। झण्डै डेढ दशकपछि उनी फिल्म ‘फिरफिरे फिरिरी’मार्फत फिल्म निर्माणमा फर्किएका छन्। उनको यो फिल्मलाई आर।आर फिल्म्सले देशभरका हलमा वितरण गर्नेछ। यो फिल्मको डिजिटल अधिकार म्युजिक नेपालले लिएको छ।