काठमाडौं :
यहि कात्तिकको ३० गतेबाट रिलिजमा आउन लागेको फिल्म ‘ह्रस्व दीर्घ’को ट्रेलर सार्वजनिक भएको छ। बुधबार काठमाडौंमा आयोजित पत्रकार सम्मेलनमार्फत फिल्मको ट्रेलर सार्वजनिक गरिएको हो।
फिल्मका अभिनेता हरिहर अधिकारीको कथामा निर्माण भएको यो फिल्ममा एक्सन, रोमान्स, विछोड, कमेडीको समिश्रण छ। प्रतीक पौडेलको संवाद रहेको फिल्मलाई भारतिय छायांकार कविर लालले खिचेका छन्। उनको खिचाई फिल्मको ट्रेलरमा गज्जब देखिएको छ। फिल्ममा हरिहर अधिकारी, नीता ढुंगाना अधिकारी, प्रदीप राउत, ब्रम्मानन्दम, विपना थापा, सुनिल वर्मा, मोहमद वली, कविर दुहान, रेखा थापा, सरोज खनाल, संचिता लुइँटेल, किरण केसी, रविन्द्र झा, वुद्दि तामाङ, निर्मल शर्मा, विशाल पहारी, प्रशान्त ताम्राकार, गरिमा शर्मा, आदर्श मिश्र लगायतका कलाकारहरुको अभिनय छ।
को निर्माणमा तयार भएको फिल्मलाई चन्द्र पन्तले निर्देशन गरेका हुन् । फिल्ममा हरिहर अधिकारीको कथा छ। फिल्ममा प्रतीक पौडेल, सम्राट न्यौपाने, यश कुमार, एलिस कार्की, विशाल निरौला, वावुल गिरी, दुर्गेश थापाको संगीत छ ।
बक्स अफिसमा यो फिल्मले सुखद व्यापार गर्ने अपेक्षा गरिएको यो फिल्ममा राजु तामाङको एक्सन,रामजी लामिछानेको कोरियोग्राफी छ । निर्माण पक्षले यो फिल्म निर्माण गर्न मात्रै ६ करोड खर्चिएको जानकारी दिएका छन्। अभिनेत्री नीताले फिल्मको सबै खर्च हिसाव गर्दा ६ करोड पुगेको कार्यक्रममा जानकारी दिएकी हुन्।