अर्घाखाँची,
अर्घाखाँचीका तुलसीराम अधिकारीले आगजनीबाट क्षतिग्रस्त सिंहदरबार बनाउन एक लाख रुपैयाँ आर्थिक सहयोग गरेका छन।
शितगङ्गा नगरपालिका–२ का किसान अधिकारीले ‘म बनाउँछु मेरो सिंहदरबार, म बनाउँछु मेरो देश’ भन्ने भावनासहित सहयोग कोषमा १ लाख १ सय रुपैयाँ जम्मा गर्नुभएको हो । आफूले व्यावसायिक खेतीबाट कमाएको आम्दानी कोषमा जम्मा गरेको उनले बताए ।
अर्घाखाँचीका प्रमुख जिल्ला अधिकारी गोपालप्रसाद अर्यालले सहयोगप्रति धन्यवाद व्यक्त गर्दै यसैगरी प्राप्त सहयोगबाट अबको पुनर्निर्माणमा टेवा पुग्ने बताए । रकम जम्मापछि किसान अधिकारीले भौचर प्रमुख जिल्ला अधिकारीलाई हस्तान्तरण गरेका हुन ।
भदौ २४ गतेको जेन–जी प्रदर्शनका क्रममा मुख्य प्रशासनिक निकाय सिंहदरबारसहित अन्य धेरै महत्त्वपूर्ण निकायको भवन तथा संरचना आगजनीबाट क्षति भएको छ ।