काठमाडौँ,
नेपाली कांग्रेसका उपसभापति विश्वप्रकाश शर्माले मन्त्रीहरूको बोलीमा लगाम लगाउन प्रधानमन्त्री बालेन्द्र शाहलाई सुझाव दिएका छन् ।
हालै पूर्वाधार मन्त्री सुनिल लम्सालले धादिङको सडक अनुगमनका क्रममा ‘काम नगर्ने ठेकेदारको खुट्टा भाँचिदिनू’ भनेर दिएको अभिव्यक्तिप्रति लक्षित गर्दै उपसभापति शर्माले प्रधानमन्त्री बालेन शाहलाई भिडियो सन्देशमार्फत मन्त्रीहरूको बोलीमा लगाम लगाउन सुझाव दिएका हुन् ।
‘हामी यस्तै समाजतर्फ जाँदैछौँ? प्रधानमन्त्रीज्यु यदि जाँदै छैनौँ भने कम्तीमा आफ्ना मन्त्रीहरूको बोलीमा लगाम लगाउनुस्’ शर्माले भिडिओ सन्देशमा भनेका छन् । उनले चुनावका बेला हालका प्रधानमन्त्रीले समेत रुखमा बाँध्नु भनेको स्मरण गरेका छन् । –रातोपाटी