काठमाडौं :
फिल्म ‘कर्मा’मा उपासना सिंह ठकुरीको लुक्स सार्वजनिक भएको छ। मंगलबार निर्माण टिमले एक पोस्टर सार्वजनिक गरेको हो। जसमा उपसना विपीन कार्कीको अपोजिटमा रहेकी रहेकी छन्। सार्वजनिक भएको लुक्सप्रतिको कौतुहलता मेटाउँदै निर्माणपक्षले क्यारेक्टर लुक्स सार्वजनिक गरेको छ।
सार्वजनिक लुक्समा उनी सामान्य कुर्थासुरुवालमा देखिएकी छन्।मोर्डन युवतीभन्दा पनि उनी गाउँबाट सहर आएकी युवतीजस्तो देखिएकी छन्। यद्यपि, यसबारे निर्माणपक्षले केही खुलाएको छैन्। तर, उनको लुक्स र यसअघि सार्वजनिक विपीनको लुक्स हेर्दा उनीहरूको जोडी शारीरिक हिसावले सुहाउँदो देखिएको छ। उपासनाको क्यारेक्टरबाहेक अन्य खासै केही देखाइएको छैन।
‘कर्मा’लाई ‘अगस्त्य’ फेम्ड निर्देशक सौरभ चौधरीले निर्देशन गरेका छन्। ‘कर्मा’को छायांकन दाङ र काठमाडौंमा गरिएको थियो। आगामी चैत २९ गते रिलिज हुन लागेको यो फिल्मलाई निर्देश टिमले विदेशमा पनि एकसाथ प्रदर्शन हुनेछ। एक्सन जनरामा निर्माण भएको ‘कर्मा’मा विपीनको पहिलो एक्सन सिनेमा हो। ‘कर्मा’मा विपीनसँगै उपासना सिंह ठकुरी, मुकुन भुसाल, दिव्यदेवलगायत कलाकारको अभिनय रहेको छ।
मुकुन यो चलचित्रमा नेगेटिभ क्यारेक्टरमा छन् । एक्सन ड्रामा जनरामा निर्माण भएको सिनेमाको कथा निर्देशक चौधरी स्वयंले लेखेका हुन्।
‘कर्मा’ले अन्तर्राष्ट्रिय प्रदर्शन अधिकार बिक्री गरिसकेको छ । फिल्मको अन्तर्राष्ट्रिय वितरण अधिकार सेभेन सिज सिनेमाले लिएको छ। केही समय अघि सार्वजनिक पोस्टरले दर्शकमाझ उत्सुकता बढाएसँगै ओभरसिज माकेर्टमा पनि दर्शकमा ‘कर्मा’प्रति चासो रहेको सेभेन सिज सिनेमाले बताएको छ। आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी रहनेछ। निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थियो ।