कास्की : पोखरा आउने क्रममा एक युवा बर्दिबासबाट बेपत्ता भएका छन्। मनिष भण्डारी नाम गरेका युवा पाँच दिनदेखि बेपत्ता भएका हुन्।
उनलाई अन्तिम पटक महोत्तरीस्थित एक होटलको नजिक देखिएको उनका मोबाइलको लोकेशनबाट खोजी कार्यलाई अघि बढाइएको परिवारस्रोतले जानकारी दियो।
‘यो मोबाइल उनी स्वयंले बोकेको हो वा कसैले फेला पारेको हो भन्ने कुरा अझै प्रष्ट छैन’, उनका दाइले परिचयसँग भने।
‘मनिषको मोबाइल सोमवार बिहान ७:१७ मा बर्दिबासको होटल नामो बुद्ध प्रा. लि. को आसपासमा अन्तिम पटक लोकेट भएको थियो। घटनाको थप विवरण पत्ता लगाउन सीसीटीभी फुटेजको सहारा लिइँदैछ, जसले खोजी कार्यमा महत्वपूर्ण सुराग प्रदान गर्न सक्छ। प्रारम्भिक फुटेज अनुसार, उनले बेलुका ८:४९ बजे होटलमा प्रवेश गरेको देखिएको छ, तर केही समयपछि उनी होटलबाट बाहिर गएको हुनसक्ने अनुमान गरिएको छ’, उनले भने।
परिवार र स्थानीय निकायले खोजी कार्यलाई तीव्र बनाउँदै अगाडि बढाएका छन्। खोजी कार्यमा संलग्न सबैले उपलब्ध जानकारीलाई ध्यानमा राख्दै, सम्भावित सबै ठाउँमा थप अनुसन्धान गरिरहो जनाइएको छ।
‘यदि कसैसँग मनिषको बारेमा जानकारी भएमा परिवारको सम्पर्क नम्बरहरू ९८२७१५०८८९ र ९८४६०६९९६६ मा सम्पर्क गर्न अनुरोध गर्दछौं’, परिवारले भनेको छ।