रसुवाको भोटेकोशी–त्रिशूली क्षेत्रमा आएको बाढीपहिरोबाट प्रभावित नागरिकको राहत तथा पुनःस्थापनाका लागि संघअन्तर्गतका सदस्य उद्योगहरूले ३ करोड १७ लाख ८४ हजार ७०१ रुपैयाँ प्रधानमन्त्री दैवी प्रकोप उद्धार कोषमा जम्मा गरेका छन्। संघका अनुसार सहयोग रकम थपिने क्रम जारी छ।
नेपाल दाना उद्योग संघ ‘Right to Protein Run’ को आयोजक संस्था समेत हो। प्रोटिन, पोषण, शारीरिक तन्दुरुस्ती र स्वस्थ जीवनशैलीबारे जनचेतना फैलाउने उद्देश्यले सञ्चालन हुँदै आएको अभियानको पाँचौँ संस्करण Right to Protein Run 2026 आगामी सेप्टेम्बर १९ मा पोखराको बसुन्धरा पार्कबाट आयोजना हुँदैछ।
एकातर्फ स्वास्थ्य र पोषणका लागि दौडमार्फत जनचेतना फैलाउने र अर्कोतर्फ विपद्मा करोडौँ रुपैयाँ सहयोग गर्ने कार्यले संघको सामाजिक उत्तरदायित्वलाई समेत देखाएको छ।
संघका सदस्य उद्योगहरूले आफ्नो क्षमताअनुसार राहत कोषमा योगदान गरेका छन्। केही उद्योगले ७५ लाख, ५० लाख र २५ लाख रुपैयाँसम्म सहयोग गरेका छन् भने अन्य उद्योगहरूले पनि लाखौँ रुपैयाँ प्रदान गरेका छन्।
संघका अध्यक्ष उमेशचन्द्र सापकोटाको नेतृत्वमा भएको यो पहलले निजी क्षेत्रको भूमिका व्यवसाय सञ्चालनमा मात्र सीमित नभई विपद्मा मानवीय सहयोग र पुनःस्थापनामा समेत महत्वपूर्ण हुने सन्देश दिएको छ।
स्वास्थ्यका लागि दौडदेखि विपदमा राहतसम्म-NFIA को सामाजिक उत्तरदायित्वको दायरा फराकिलो बन्दै गएको छ।