काठमाडौं :
सुपुष्पा भट्ट अभिनित फिल्म ‘फेरि रेशम फिलिली’को ट्रेलर रिलिज भएको छ। मंगलबार काठमाडौंमा एक कार्यक्रमको आयोजना फिल्मको ट्रेलर रिलिज गरिएको हो।
३ मिनेट ७ सेकेण्डको टिजरमा हास्यरसले भरिपूर्ण रहेको देखाएको छ। अमेरिकाको भिषा लागेको रेशम र उसको लागेको भिषासँग जोडिएका विभिन्न पात्रको सपना, चाहना र स्वार्थको दन्वदको सेरोफेरोमा घुमेको ’फेरि रेशम फिलिली’को ट्रेलरले दर्शकलाई भरपुर मनोर सार्वजनिक भएको छ। ट्रेलर हेर्दा झण्डै १० वर्ष अगाडि रिलिज भएको फिल्ममा यो नयाँ सिक्वलले उस्तै कमेडीको तड्का दिने अनुमान गर्ने देखिन्छ। त्यतिबेला हरिया पात्रलाई लोकप्रिय बनाएझैं यसपटक मेक्सम गौडेललेको हाजमोला चरित्र दर्शकका लागि फ्रेस अफर हुने अनुमान लगाउन सकिन्छ।
हरियाको रेशमलाई समस्यामा पारिरहने पुरानो शैलीले यसपटक पनि दर्शकलाई पेट मिचिमिचि हसाउने सम्भावना ट्रेलरले दिएको छ। संमग्रमा ट्रेलरले हलसम्म दर्शकलाई सजिलै आकर्षित गर्ने देखाएको छ । झण्डै ३ दर्जनबढि पात्रको सेरोफेरोमा घुम्ने यस फिल्ममा विनय श्रेष्ठ, सुपुष्प भट्ट, कामेश्वर चौरासिया, नीर शाह, प्रकाश घिमिरे, शिशिर वाङ्गदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतको पनि अभिनय छ।
सुसन प्रजापतीको छायांकन, निर्देशक महर्जन र आकाश बरालको पटकथा, नरेश किङ्ग योगीको द्वन्द्व निर्देशन तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत र सुरेन्द्र पौडेलको सम्पादन सिनेमामा रहेको छ।सिनेमा आट्र्स र वि मोसन पिक्चर्सको सहकार्यमा निर्माण भएको सिनेमामा रौनक विक्रम कडेल निर्माता तथा कार्यकारी निर्माता सुरज बम ठकुरी र सह–निर्मातामा एनि थापा छन्।
फिल्मलाई निरोज महर्जनले निर्देशन गरेका छन् भने फिल्मको कथा पनि उनले नै लेखेका हुन्। फिल्म पोस्टर डिजाइन ट्राइडेन्ट कन्सेप्टका रोयल भिमसेनले गरेका हुन्। यस फिल्मलाई गोविन्द शाहीको काफिया फिल्मस् र कुवेर सिने डिष्ट्रीव्युसनले वितरण गर्दैछन् ।
