काठमाडौं :
बलिउड अभिनेत्री काजोल अभिनीत नयाँ फिल्म सरजमीन रिलिज भएको केही घण्टामै अनलाइनमा लिक भएको छ। फिल्मको अनधिकृत वितरणले निर्माता र निर्देशकहरूमा चिन्ता बढाएको हो। फिल्म उद्योगभित्र पाइरेसीविरुद्ध पुनः बहस सुरु भएको छ।
सरजमीन एक बलियो कथासहितको एक्सन थ्रिलर हो, जसमा काजोलसँगै दक्षिण भारतीय अभिनेता पृथ्वीराज सुकुमारन र इब्राहिम अली खान मुख्य भूमिकामा छन्। फिल्मको विषयवस्तु, अभिनय र निर्देशनको प्रशंसा भइरहेका बेला पाइरेसीको खबरले दर्शक र निर्मातामा निराशा छाएको छ।
पृथ्वीराज सुकुमारनले काजोलको अभिनयलाई निकै प्रशंसा गरेका छन्। उनले भनेका छन्, “काजोलजस्ता कलाकारसँग सहकार्य गर्नु एक सौभाग्य हो। उनी अत्यन्त प्रतिभाशाली छिन्, उनको उपस्थितिले पर्दामा गहिरो प्रभाव पार्छ।”
यसै फिल्ममार्फत सैफ अली खानका छोरा इब्राहिम अली खानले बलिउडमा डेब्यु गरेका छन्। फिल्ममा उनले एक संवेदनशील र जिम्मेवार भूमिकामा अभिनय गरेका छन्, जसको पनि सकारात्मक प्रतिक्रिया आएको छ।
फिल्म रिलिजको केही घण्टामै पाइरेसी साइटहरूमा फिल्म अपलोड भएपछि दर्शकलाई अनधिकृत संस्करण नहेर्न र सिनेमाघरमै फिल्मको मजा लिन अपील गरिएको छ। यस घटनाले बलिउडमा पाइरेसीविरुद्ध कडा कदम चाल्नुपर्ने माग फेरि बलियो रूपमा उठेको छ।
साभार: IndiaTimes.com