काठमाडौँ/
काठमाडौं–तराईरमधेस द्रुतमार्ग निर्माणको काम २६ प्रतिशत सकिएको छ । नेपाली सेनाले जिम्मा लिएको काठमाडौं–तराईरमधेस द्रुतमार्ग सडक आयोजना निर्माणको काम ०७९/८० को साउन मसान्तसम्म २६।१४ सकिएको आयोजना प्रमुख कमलविक्रम शाहले बताए ।
जंगीअड्डामा आइतबार आयोजित पत्रकार सम्मेलनमा शाहले भने, ‘द्रुतमार्गलाइृ ११ वटा क्लष्टरमा बाँडेर १३ वटा निर्माण प्याकेजहरुमध्ये १ देखि ७ नम्बर सम्मका प्याकेजहरु निर्माणाधीन अवस्थामा छन् ।’
प्रमुख शाहका अनुसार आयोजनाको करिब ९५ प्रतिशत प्याकेजहरु कार्यान्वयन तथा खरिद प्रक्रियामा प्रवेश गरिसकेको छ । उनले आयोजनाको प्याकेज नम्बर ११ अन्तर्गत पर्ने खोकना इलाकामा द्रुतमार्गको शुरु बिन्दु निर्धारण, सवारी आवागमन व्यवस्थापन सम्बन्धी निर्णय र जग्गा अधिग्रहण विवाद समाधान पश्चात खरिद प्रक्रिया सुरु गर्नेगरी तयारी अवस्थामा रहेको पनि जानकारी दिए ।
उनले हालसम्म निर्माणाधीन तीन वटा सुरुङ्गमार्गको जम्मा लम्बाई ६।४१५ किलोमिटरमध्ये २।६६७ किलोमिटर सुरुङ्ग निर्माण कार्य सम्पन्न भएको समेत बताए । प्रस्थान बिन्दु खोकना र अन्तिम बिन्दु निजगढ रहेको यस काठमाडौं–तराई÷मधेस द्रुतमार्ग सडक आयोजनाको कुल लम्बाई ७०।९७७ किलोमिटर रहेको छ।
बाराको निजगढीदेखि काठमाडौं जोड्ने द्रुतमार्ग १४ जेठ २०७४ मा तत्कालीन प्रधानमन्त्री पुष्पकमल दाहालले शिलान्यास गरेका थिए । त्यसबेला २०८० साउन ३० गतेसम्म आयोजना निर्माण सक्ने गरी नेपाली सेनालाई व्यवस्थापनको जिम्मा दिइएपनि विभिन्न कारणले अहिले यो अवधि २०८३ को चैत मसान्तसम्म सारिएको छ ।
आयोजनाको कुल लागत २ खर्ब ११ अर्ब ९३ करोड छ । त्यसमध्ये ०७९र८० सम्म ४९।२३ अर्ब खर्च भएको प्रमुख शाहले जानकारी दिए ।