काठमाडौं :
शनिबार सांगीतिक कार्यक्रमको सिलसिलामा अष्ट्रेलियामा गायक सुगम पोखरेलले दर्शकलाई माइकले हानेपछि विवादमा तानिएका छन्। नेपालको जाजरकोटामा शुक्रबार आएको भुकम्पले ठुलो जनधनको क्षति भएमा मौन धारण गर्न दर्शकलाई उनले आग्रह गरेका थिए। उनको आग्रहलाई नकार्दै पछिल्ला दर्शकले हल्ला गरेपछि परैबाट माइकले हानेका हुन्।
भिडियोमा गीत गाउन स्टेजमा उक्लिएका सुगमले दर्शकसँग कुराकानी गरिरहेको ‘झिल्के’ गीत गाउन आग्रह गरेको देखिन्छ। ‘के हाम्रो नेपाली समाज यति संवेदनाहिन भएको हो र ? देशलाई दुखिरहेको छ अहिले खासमा । भूँइचालोका कारणले गर्दा । देशलाई दुख्दा मलाई दुख्छ, म नेपाली कलाकार हुँ । हिजोको कार्यक्रममा मौनधारण गरौं भन्दा खेरी । तपाई भिडियोमा देख्न सक्नुहुन्छ । यसैले, मेरो त्यस्तो व्यवहार त्यसैको कारणले भएको हो । कसैको नेपाली मनलाई चित्त दुखाएको भए क्षमा चाहन्छु । तर, सधै नेपाली गीतसंगीतको सेवा गर्नेछु,’उनले भनेका छन्।