काठमाडौँ :
भागिरथ चलाउने र कबिता खत्रीको स्वरमा ‘दिउँला बरिलै’ सार्वजनिक भएको छ। मंगलबार सार्वजनिक गीतमा नेत्र अर्यालको शब्द छन् भने संगीत गायक चलाउनेकै रहेको छ । गीतमा कोरस स्वर रुपि सिंजाली मगर र प्रतिमा विश्वकर्माको रहेको छ।
मोडल लोमश शर्मा र बिना राउतले नृत्य गरेको गीतको भिडियोलाई अशोक बिकले निर्देशन गरेको छन्। त्यस्तै नवराज उप्रेतीले खिचेका हुन्। भिडियोमा प्रबिन भट्टको सम्पादन,मिलन विश्वकर्माले कलरको काम गरेका छन्। भिडियोलाई कबिता खत्री युट्युव च्यानलमार्फत हेर्न सकिने छ।
तीज आउन महिना भन्दा समय भइरहँदा बजारमा तीज गीत सार्वजनिक भइरहेका छन्। यसअघि दर्जन बढी गीत युट्युवमार्फत सार्वजनिक भइसकेका छन् । गायिका कबिता खत्रीले नारीहरुको महान चाड तीजमा तीजको छुट्टै महत्व हुनेभएकाले पनि यसबर्षको तीजमा गीत ल्याएको बताइन् ।
उनले भनेकी छिन्, ’तीजका गीत महिना अघिबाटै घन्किदा तीज आएको महसुस हुन्छ। तीजका गीतले पनि तीज पर्वलाई जोगाइराखेको छ। तीज बिशेष गीतहरुले पनि तीजको महत्व अझै बढाएको जस्तो लाग्छ।’
यस्तै गायक भागिरथ चलाउनेका यसअघिका पनि थुप्र्रै तीज गीत हिट छन्। यसैबिच उनले यसगीतलाई पनि दर्शक तथा स्रोताले माया गर्नेमा आशावादी छन्। साथै मोडल लोमश शर्माले अहिले दिनहुँ तीज गीतको भिडिओमा नाँचिरहेको जानकारी दिए। उनले अहिलेसम्म १५ वटा तीज गीतमा नृत्य गरिसकेको र अझै थुप्रै अफर आइरहेको सुनाए।