काठमाडौं :
‘गोर्खे खुकुरी’ गीतको सफलताको सेलिब्रेसन गर्दै तीज गीत ‘माछी’ सार्वजनिक गरिएको छ। लोकश शर्माले बिहिबार पत्रकार सम्मेलन गर्दै नयाँ गीतको भिडियो रिलिज गरेका हुन्। यस अघि रिलिज भएको ‘गोर्खे खुकुरी’ले ५ महिनाको अवधिमा युट्युबमा ४ करोड २७ लाख बढी भ्युज पाएको छ। यो गीतलाई निश्चल दवाडी र शान्तिश्री परियारले गाएका थिए।
यो गीतको सफलतासँगै बिहीबार काठमाडौंमा लोमसले शान्तिश्री परियार र समीक्षा अधिकारीले स्वर रहेको ‘माछी’ बोलको भिडियो समेत सार्वजनिक गरेका हुन्। गीतको भिडियोमा प्रियंका कार्की, लोमश शर्मा, कविता नेपाली र अनु परियारले नृत्य गरेका छन्।गीत रिलिज कार्यक्रममा शुभकामना दिन निर्देशक एवं अभिनेत्री दीपाश्री निरौला समेत पुगेकी थिइन्। उनले गीत हेरिसकेपछि गीत निकै राम्रो बनेको भन्दै गीतका टिमलाई बधाई समेत दिइन्।
पत्रकारसँग कुराकानी गर्दै उनले भनिन्,‘गीत एकदमै राम्रो लाग्यो, गीत भन्न साथ त्यसै हात खुट्टा नाच्न थाल्छ, माछी प¥यो बल्छी नाची नाची… वास्तवमा नाच्नलाई यति मजा आउँछ कि त्यहाँ बल्छी थापिरहनै पर्दैन आफै त्यसै जिउ जुरमुराएर आउँछ ।’
उनले थपिन्,‘यो गीतको सर्जक र टिमले नै निकै राम्रो काम गरेको छ। टिम राम्रो लियो भएपछि बाँकी काम आफै राम्रो हुन्छ र त्यसको उदाहरण म आफै हो । र यो गीत गोर्खे खुकुरी भन्दा राम्रो चलोस् किनभने महिला दिदीबहिनीहरूको गीत हो यो र यो महिला दिदी बहिनीमा मात्र सीमित राख्नु हुन्न भनेर लोमश जी आफै नृत्य गर्नुभयो । यो पनि खुसी लाग्यो किनकी तिज महिला दिदीबहिनीको मात्र नभएर पुरुषको पनि हो जस्तो लाग्छ ।’
दीपा अभिनेत्री प्रियंका कार्की र कविता नेपालीको नाच देखेर चकित परिन। गीतको जस्तै नाच रहेकोमा मख्ख परेकी दीपा मख्ख पर्दै भन्छिन्,‘यस गीतमा नाच्नु पर्ने मान्छे नाचेका छन्, प्रियङ्का कार्की, कविता नेपाली र यो गीतमा नाच्ने सबै नृत्यका पुजारी नै हुनुहुन्छ । यस गीतलाई शान्ति श्री र समीक्षा बहिनीले गाउनु भएको छ । उहाँहरू पनि गीत संगीतका पुजारी नै हुनुहुन्छ । सबै पुजारीहरूलाई भेला पार्नु भएको रहेछ । कोरीयोग्राफि देखि ड्रेसमा पनि एकदमै ध्यान दिइएको देखिएको छ ।’
कलाकारको प्रशंषामा समय खर्चिएकी दीपाश्रीले केटाहरूलाई कोटमा रातो पछ्यौरीले राम्रो सुहाएको बताईन्। उनले गीतमा सबै कुरा सम्झन लायक बनेको तर्क गरिन्।
‘सबै स्टेप वाउ नै छ । बिहानै एकदमै जुरमुराउने गीत हेर्न पाउँदा एकदमै खुसी लाग्यो,’उनले उत्साहित हुँदै भनिन्,‘हुन त अहिले नेपाली फिल्ममा पनि गीत आउँछन् तर भ्यूजको कमी भइरहेको छ । तर तपाँइहरुमा के जादु छ त्यस्तो आउने बित्तिकै करोड करोड हान्छ यो पनि ठूलो कुरा हो। र तपाईँहरू जस्तो करोड हान्ने मान्छे नेपाली चलचित्रको लागि चाहिन्छ चाहिन्छ । र यो गीतले सबै महिला दिदीबहिनी को मनमा खुसीयाली छाओस्।’
नेपाली महिलाहरुको महान चाड तीज नजिकिदै गर्दा पुरानो कुरा सझिइन्। पहिला र अहिलेमा तीजमा धेरै कुरा परिवर्तन भएको उनको भनाई छ।
‘यो तिजको बेलामा पैला पैला त दाजुभाइ लिन आउँथे त्यसपछि तिजमा रमाइलो हुन्थ्यो,’उनले पुराना परम्रिा सम्झदै भनिन्,‘ तर अहिले दाजुभाइहरूले आफै गीत बनाउन थाले अनि हामी रमाइलो गर्दछौँ।’
लोमश शर्माको प्रस्तुति एवं भिडियो निर्देशन रहेको गीतमा पुरूषोत्तम गैरेको शब्द र संगीत छ। यसलाई कविराज गहतराजले कोरियोग्राफी, नवराज उप्रेतीले छायांकन एवं मनोज कार्कीले सम्पादन गरेका हुन्।