काठमाडौ :
द भ्वाईस अफ नेपाल सिजन ४ बिजेता गायक करण राईको शब्दमा वरिष्ठ गायक राजेशपायल राई, राई इज किङले गाएको गीत सार्वजनिक भएको छ । गायक करण राईले आफ्नै युट्युव च्यानलमार्फत ‘मैले माया गरेको मान्छे’ बोलको गीतको भिडियो रिलिज गरेका हुन्। गीतमा करणको शब्द, राजेशपायलको स्वर तथा महेन्द्र राईको संगीत रहेको छ।
यस गीतमा राजेशपायललाई गायिका दीपा तामाङले साथ दिएकी छन्।
करणको वास्तविक प्रेम कहानी जोडिएको गीतमा राजेशपायलले गाउनु को कारण भने रोचक रहेको छ । करणले भने ‘आफ्नो जिवनसंग जोडिएको गीत गाउन मैले सकिन, त्यहि कारण आदरणिय वरिष्ठ गायक राजेशपायल दाईलाई गाउने जिम्म दिएको हो । ब्रेकअपपछि बेलुकी रुदै यो गीत लेखेको थिए ।’
‘मैले माया गरेको मान्छे’ बोलको गीतमा सञ्जिव बराईलीको एरेञ्ज, किश्वर थापाको मिक्सिङ मास्टरिङ रहेको छ । म्युजिसियन स्टुडियोमा रेकर्ड भएको गीतलाई राजेश श्रेष्ठ रेकर्डिस्ट रहेका थिए । स्टुडियो भिडियोलाई झस्केलो कृयशनले बनाएको हो।