नेकपा एमालेले प्रतिनिधिसभाको प्रमुख सचेतकमा ऐनबहादुर महरलाई मनोनीत गरेको छ ।
एमाले संसदीय दलका नेता रामबहादुर थापाले आज महरलाई प्रमुख सचेतकमा मनोनयन गर्नुभएको हो । एमालेको सङ्घीय संसदीय दलको विधान २०७७ बमोजिम आजदेखि लागू हुने गरी महर प्रतिनिधिसभाको प्रमुख सचेतकमा मनोनीत हुनुभएको हो ।
गएको फागुन २१ गते भएको प्रतिनिधिसभा सदस्यको चुनावमा महर बझाङबाट निर्वाचित हुनुभएकोे हो ।
