काठमाडौँ । बाढी पहिरोका कारण अवरुद्ध बीपी राजमार्ग सञ्चालनमा आएको छ । भक्तपुर सडक डिभिजन कार्यालयका प्रमुख सुमन योगेशले भर्खरैबाट राजमार्ग सञ्चालनमा आएको रातोपाटीलाई बताए ।
उनले भने, ‘भर्खरै राजमार्ग सञ्चालनमा आएको छ । कतै एकतर्फी छ, कतै दुईतर्फी । ठाउँ ठाउँमा पहिरोका कारण दुईतर्फी सञ्चालन गर्न सक्ने अवस्था छैन । तर सञ्चालनमा आयो ।’
अविरल वर्षापछि काभ्रेपलान्चोक जिल्लाको बोक्सिकुना, विरुवाडाँडा, नमोवुद्ध नगरपालिका–६ चौकिडाँडा रोशी गाउँपालिका–७,९,११ र नार्केस्थित विभिन्न स्थानहरूमा शुक्रबार गएको पहिरोका कारण बीपी राजमार्ग पूर्ण रूपमा अवरुद्ध भएको थियो । हाल मर्मतपछि सञ्चालनमा आएको छ ।
