काठमाडौं :
युवाहरूको विदेश पलायन र त्यसले नेपाली समाजमा पारेको पीडालाई कथावस्तु बनाइएको नयाँ गीत ‘झ्याँडी खोला’ सार्वजनिक गरिएको छ। लोकप्रिय गायक रामकुमार नेपाली र गंगा सोनमको स्वरमा रहेको यो गीतको भिडियो भारती पिक्चर्सको युट्युब च्यानलमार्फत सार्वजनिक गरिएको हो।
गीतमा आफ्ना वृद्ध आमाबाबा, पत्नी, सन्तानलाई छाडेर विदेशिन बाध्य हुने युवाको मनको वेदना र परिवारको भावनालाई प्रस्तुत गरिएको छ। अमृत भारतीको शब्द र रामकुमार नेपालीको संगीत रहेको गीतमा संगीत संयोजन पनि गरिएको छ।
भिडियोमा दिनेश केसी, अमृत भारती र सुजन गौतमलगायत कलाकारको अभिनय समावेश छ। भिडियोको छायांकन रवीन्द्र बरालले गरेका हुन् भने सम्पादन अच्युत बजगाईंले गरेका छन्। मेकअप कविता टोलाङ्गेले सम्भालेकी छिन्। गीतको भिडियो लिगेश भट्टराईले निर्देशन गरेका हुन्।
