काठमाडौं :
गायक पुष्कर सुनुवारको स्वरमा नयाँ गीत ‘नेपाल आमा’ सार्वजनिक भएको छ। ओम प्रकाश राईले शब्द र संगीत गरेका उक्त गीतमा एरेञ्ज पनि स्वयं गायक सुनुवारले गरेका हुन्। गीतको मिक्सिङ तथा मास्टरिङ बिप्लप अधिकारीले ओसियन म्युजिक रेकर्डिङ स्टुडियोमा गरेका हुन्।
गीतमा पेमा शेर्पा राई र पवित्रा गुरुङले कोरस भोकल दिएका छन्। भिडियोमा कलाकार राज रुम्बा, रुपेश लामा, सञ्जु मोक्तान, सुनिता वाइवा, अर्जुन घिमिरे, नवराज श्रेष्ठ, ओसियन राई, अन्जिला चौधरी र ओप्सना राईलाई देख्न सकिन्छ।
गीतको छायांकन अभिनाश श्रेष्ठले गरेका हुन् भने सम्पादन प्रगति सुब्बाले गरेका छन्। रंग संयोजन ओम प्रसाईंले गरेका हुन्। भिडियो निर्देशन भने ओम प्रकाश राईकै रहेको छ।