सन्तोष बस्याल
पोखरा ।
पोखराको नाम चलेको रेष्टुरेण्ट हो “स्टेशन द फुड क्लब एण्ड ससेज पार्क” । अक्सर युवायुवतीको रोजाईमा पर्छ उक्त रेष्टुरेण्ट । गैह्रापाटनमा अवस्थित रेष्टुरेण्टका संचालक हुन् आयुश श्रेष्ठ, निलिमा हिराचन श्रेष्ठ । संचारकर्म हुँदै व्यवसायमा हात हालेका आयुशको सफलता चाख लाग्दो छ । सडकको पेटीबाट सुरु गरेको व्यवसायले आज विस्तार रुप लिँदा उनको आँखामा खुशीको आँशु बहन्छ ।
आयुश नथाक्ने लामो रेसका घोडा हुन् । व्यवसायमा उनलाई सफलता यत्तिकै मिलेको हैन । निरन्तरको अथक मिहिनत र परिश्रम सँगै समय खर्चेका छन् । गरे के हुँदैन सबै सम्भव छ भन्ने विषयको गतिलो उदाहरण हुन् आयुश । जसमा निलिमाको समेत साथ छ । स्टेशन फूडको अपार सफलता पश्चात आयुश निलिमाले “मार्फा थकाली बाइ स्टेशन” नाम दिएर व्यवसायको नयाँ यात्रा शुभारम्भ गरेका छन् ।
नेपालीहरुको महान पर्व विजयादशमीको घटस्थापना दिनदेखि संचालनमा आउने मार्फा थकाली ग्राहकमाझ स्वाद पस्केर मन जित्ने उद्देश्यले संचालनमा ल्याइएको हो । पोखराको डिहिकोपाटन लेकसाइडमा रहेको मार्फा थकाली आफ्नै भवनबाट संचालनमा आएको संचालक आयुश श्रेष्ठले जानकारी गराए । मन्दीका बेलामा पनि दुई करोड लगानी गरेर आयुश निलिमाले समस्याबाट नभागी समस्यासँग जुधेर नै व्यवसायिक सफलता हासिल गर्न सकिन्छ भन्ने सन्देश प्रवाह गरेका छन् ।
मार्फा थकालीमा नाम मात्रैको थकाली नभई स्वाद सहितको थकाली खाना ग्राहकले खाना पाउनेछन् । मार्फामा नै उत्पादन भएको फापर, आलु र दालको स्वाद ग्राहकलाई उपलब्ध गराउने लक्ष्य छ । यसका अलावा पोखरा तथा यस आसपासका अर्गानिक खानेकुरा समेत पाइनेछ ।
ग्राहकको रोजाई अनुसारको खाना मार्फा थकालीमा पाइनेछ । आयुशका अनुसार जेठोबुढो, मार्सी लगायतको ग्राहककको माग अनुसारको खाना उप्लब्ध गराइनेछ । मात्र त्यसका लागि ग्राहकले आफुले रोजेको चामलको खाना खान ३० मिनेट कुर्नुपर्ने उनले बताए ।
मार्फा थकालीमा ग्राहकका लागि रेट पनि सस्तो नै राखिएको छ । बजारका अन्य थकाली रेष्टुरेण्ट भन्दा सुलभ दरमा खाना खान ग्राहकले पाउनेछन् । सादा थकाली खानाको ३ सय ५० रुपैयाँ, चिकेन थकाली खानाको ५ सय रुपैयाँ र मटन थकाली खानाको ६ सय रुपैयाँ तिर्नुपर्नेछ । थकाली खानासँगै थकाली ब्रेकफास्टको आइटम समेत उपलब्ध गराइने आयुशले जानकारी गराए । जसका लागि दुई सय रुपैयाँदेखि माथिको मुल्य निर्धारण गरिएको छ ।
एक पटकमा १ सय जना सम्मलाई खाना खुवाउन सक्ने क्षमता भएकाले भोक मेटाउने थलो मार्फा थकाली बन्न सक्ने विश्वास निलिमा हिराचन श्रेष्ठको छ । मार्फा थकालीमा १० जनाले रोजगार पाएका छन् । स्टेशन द फुड क्लब जत्तिकै सफलता मार्फा थकालीलाई मिल्नेमा उनीहरु आशावादी देखिन्छन् ।
