काठमाण्डौं :
टेलिभिजन रियालिटी शोहरुमा ब्यस्त अभिनेत्री प्रियंका कार्की पुनः म्युजिक भिडियोमा फर्किएकी छन्। एक साता अघि हरिवंश आचार्यको मानव बेचबिखन बिरुद्धको सन्देशमुलक गीतमा देखिएकी प्रियंकाको अर्को म्युजिक भिडियो सार्वजनिक भएको छ ।
दर्जनौ हिट गीतहरुका गायक कमल मान सिंहको नयाँ गीत ‘मायालु ’को भिडियोमा अभिनेत्री कार्की रोमान्टिक अवतारमा प्रस्तुत भएकी छन्। भिडियोमा प्रियंका राष्ट्र बैंकका निर्देशक सहदेव चन्दसँग प्रस्तुत भएकी हुन् ।
कमल मान सिंहको नै शब्द, संगीत रहेको गीतमा बाबु प्रधानको एरेन्ज रहेको छ। रोमन मार्सको सिनेमाटोग्राफी र सुप्रीम पराजुलीको सम्पादन रहेको भिडियोलाई स्वयं कमलमान सिंहले नै निर्देशन गरेका हुन्। २ दशक भन्दा अगाडीदेखि नेपाली सांगीतिक सक्रिय पपगायक कमल मान सिंहको दर्जनौ गीतहरु स्रोत दर्शकमाझ लोकप्रिय छन् ।