काठमाडौँ,
प्रोटिन शरीरको लागि सबैभन्दा आवश्यक पोषक तत्त्वहरू मध्ये एक हो । यसले मांसपेशीहरूलाई बलियो बनाउन, शरीरका कोषहरू मर्मत गर्न र तपाईँलाई लामो समयसम्म पेट भर्न मद्दत गर्दछ ।
जब प्रोटिन कुरा आउँछ अण्डा र सोया (भटमास) दुवैको नाम आउँछ । तर यी दुई मध्ये कुन राम्रो होला भन्ने प्रश्न त मानिसहरूको मनमा आउँछ । आजको यस लेखमा हामी सोया प्रोटिन र अन्डामध्ये कुन राम्रो हुन्छ भनेर कुराकानी गर्नेछौँ ।
अण्डालाई उच्च गुणस्तरको प्रोटिनको राम्रो स्रोत मानिन्छ । यसमा शरीरलाई आवश्यक पर्ने सबै नौ आवश्यक एमिनो एसिडहरू पर्याप्त मात्रामा हुन्छन् । एउटा ठूलो अण्डामा लगभग ७ ग्राम प्रोटिन पाइन्छ । यसमा भिटामिन बी१२, भिटामिन डी, सेलेनियम र कोलिन जस्ता पोषक तत्त्वहरू पनि हुन्छन्, जुन मस्तिष्क, हड्डी र मांसपेशीहरूको लागि लाभदायक हुन्छन् ।
सोया प्रोटिनमा के छ विशेष?
सोया प्रोटिनमा आवश्यक एमिनो एसिडहरू हुन्छन्। टोफु, सोया चङ्क्स, सोया मिल्क र एडामामेलाई प्रोटिनको राम्रो स्रोत मानिन्छ । सोयामा फाइबर, आइरन र कयौं प्रकारका एन्टिअक्सिडेन्टहरू पनि हुन्छन् । यो विशेष गरी शाकाहारीहरूका लागि उत्कृष्ट विकल्प मानिन्छ ।
कुनले बढी प्रोटिन प्रदान गर्दछ?
तपाईँले १०० ग्राम अण्डामा १३ ग्राम प्रोटिन पाउनु हुन्छ भने १०० ग्राम भटमासमा ३६ ग्राम प्रोटिन पाउनुहुने छ। तपाईँ यी दुईलाई आफ्नो आवश्यकता अनुसार मिलाउन सक्नुहुन्छ, जसमा भटमास भात, फ्राइड सोया चङ्क्स, वा स्क्र्याम्बल्ड अण्डा जस्ता स्वस्थकर खानाहरू समावेश छन् ।
तपाईंको लक्ष्य मांसपेशी बनाउने छिटो निको हुने हो भने, उच्च गुणस्तरको प्रोटिनको कारणले अण्डा राम्रो स्रोत हुन सक्छ । यद्यपि, यदि तपाईँ शाकाहारी हुनुहुन्छ भने, सोया प्रोटिन राम्रो विकल्प हुन सक्छ ।