ललितपुर :
ब्याटल फ्युजन क्रुले आफ्नो सातौं वार्षिकोत्सव ललितपुरको नखिपोट अवस्थित किराँत याक्थुङ चुम्लुङ हलमा भव्य कार्यक्रमको आयोजना गरेको छ। हालै कार्यक्रममा ब्याटल फ्युजन क्रुका संस्थापक तथा स्टार आर्ट नेपालका अध्यक्ष आईते तामाङको सभापतित्वमा कार्यक्रम भएको हो।
नेकपा माओवादी केन्द्रका केन्द्रिय सदस्य तथा संविधान सभा सदस्य राजकाजी महर्जनको प्रमुख आतिथ्य साथै ललितपुर महानगरपालिका आर्थिक बिकास समिति संयोजक तथा ललितपुर महानगरपालिका वडा नम्बर २१ खोकनाका निर्वाचित अध्यक्ष रबिन्द्र महर्जन , अतिथिमा महाकाँल गाउँपालिका ललितपुरका उप मेयर ललिता गोले ( डोल्मा),रहेका थिए। साथै कार्यक्रममा अखिल नेपाल खेलकुद महासंघ ललितपुरका अध्यक्ष बिमल कुमार अछामी, खेलकुद बिकास समिति ललितपुरका सदस्य कवि मालाकार, सामाजिक अभियान्ता,बुद्धिजीवी, पत्रकारहरुको लगायतको बाक्लो उपस्थिति रहेको थियो ।
यस प्रतियोगिता सप्पन्न गर्नको लागि स्टार आर्ट नेपालको सहकार्यमा विभिन्न संघ संस्था,ख्याति प्राप्त ब्यक्तित्व,हिपहप कम्युनिटीबाट साथ र सपोर्ट साथै वाईसीएल नेपाल ललितपुर जिला कमिटीको प्रमुख भुमिका रहेको छ ।