
Trending
- जनप्रिय बहुमुखी क्याम्पसको क्याम्पस प्रमुखमा कृष्णबाबु बराल
- विवेक थापाले ‘जेरी अनटप’पछि ‘बाटुलो जुन’मा गरे करोड लगानी,दुवै फिल्मले गरे लगानी सुरक्षित
- नेपाल ग्लोबल फिल्म फेस्टिभल २०२७ को तयारी तीव्र
- महेश त्रिपाठी र सिम्रन खड्काको मुख्य भूमिका रहने ‘छायाँको जीत’को शुभमुहूर्त
- लभस्टोरी कथा बन्ने भयो ‘मोहनी’,आशिर्वाद र सनिशाले थाले चितवनमा सुटिङ
- घाउमा मलम, जीवनमा उज्यालो : हरियो खर्कको ७४ वर्षे महायात्रा
- सुब्रतको ‘पच्चीस पच्चीस’को कलाकारको लाइनअप पूरा,कहिले जाला सुटिङमा
- आरयू फेस्टको दोस्रो संस्करणको तयारी अन्तिम चरणमा, फोहोरबाट उद्यम र रोजगारी सिर्जनामा जोड
- फालिएका कपडाबाट बन्यो १४ फिट अग्लो ‘रुरु द जायन्ट टेडी बियर’
- प्रथम ‘किङ्स कप’ भलिबलको तयारी तीव्र, विजेतालाई ४ लाख पुरस्कार
- बालविवाहविरुद्धको कानुनमा नीतिगत सुधार गर्नुपर्नेमा जोड, पुनःपरिभाषित गर्न आग्रह
ज्येष्ठ नागरिकलाई घरदैलोमै स्वास्थ्य सेवा
शुक्लाफाँटा नगरपालिका–५ ले ज्येष्ठ नागरिकलाई घरदैलोमै स्वास्थ्य परीक्षण तथा उपचार सेवा उपलब्ध गराउन थालेको छ । घरदैलोमै सेवा दिन थालेपछि स्वास्थ्य संस्थासम्म पुग्न कठिनाइ भोग्दै आएका ज्येष्ठ नागरिकलाई राहत पुगेको छ ।
वडा कार्यालयले आधारभूत स्वास्थ्य चौकीका स्वास्थ्यकर्मी परिचालन गरी टोल–टोलमै पुगेर ज्येष्ठ नागरिकको स्वास्थ्य परीक्षण, परामर्श र औषधि वितरण गर्न थालेको हो । ज्येष्ठ नागरिकमा बढी देखिने उच्च रक्तचाप, मधुमेह, स्वासप्रश्वाससम्बन्धी, ग्यास्ट्रिकलगायत नसर्ने रोगको परीक्षण र उपचार घर नजिकैबाटै हुन थालेपछि उनीहरु लाभान्वित भएका छन् ।

आधारभूत स्वास्थ्य चौकीका प्रमुख हरि नाथका अनुसार वडा कार्यालयले दुई वर्षदेखि निरन्तर बजेट व्यवस्था गरेपछि कार्यक्रम नियमित रूपमा सञ्चालन हुँदै आएको छ । हाल वडाका चार टोलमा स्वास्थ्यकर्मीको टोली पुगेर सेवा दिँदै आएको छ । प्रत्येक महिनाको २१, २२ र २३ गते टोलमै पुगेर नसर्ने रोगको पहिचान, उपचार, औषधि वितरण तथा जटिल प्रकृतिका बिरामीलाई अन्य स्वास्थ्य संस्थामा उपचारका लागि सिफारिस गर्नेलगायत काम हुँदै आएको छ ।
स्वास्थ्य परीक्षणसँगै ज्येष्ठ नागरिकलाई नसर्ने रोगबाट बच्ने उपाय, नियमित औषधि सेवन, सरसफाइ, व्यायाम तथा पोषणयुक्त सन्तुलित भोजनको प्रयोगबारे परामर्श दिने गरिएको स्वास्थ्यकर्मी नाथले बताउनुभयो । नियमित परीक्षणका कारण रोग समयमै पहिचान गर्न र नियन्त्रणमा राख्न सहयोग पुगेको उहाँको भनाइ रहेको छ ।
वडाध्यक्ष चक्रबहादुर खडकाले ज्येष्ठ नागरिकलाई सामान्य स्वास्थ्य परीक्षणका लागि पनि टाढाको स्वास्थ्य संस्थामा जानुपर्ने बाध्यतालाई मध्यनजर गर्दै घरदैलोमै सेवा उपलब्ध गराउने व्यवस्था गरिएको बताउनुभयो । उहाँका अनुसार वडाबाट बजेटको व्यवस्था गरी स्वास्थ्यकर्मी परिचालन गरिएको र हालसम्म २५० भन्दा बढी ज्येष्ठ नागरिक यस कार्यक्रमबाट लाभान्वित भएका छन् । घर नजिकै स्वास्थ्य परीक्षण र औषधि सेवा पाउन थालेपछि ज्येष्ठ नागरिकले खुसी व्यक्त गरेका छन् ।
Next Post