पोखरा /
गर्मीमा छालाको हेरचाह महत्त्वपूर्ण छ। अन्यथा, पिम्पल संगै सुख्खापनले पनि सताउने गर्दछ। गर्मीमा अनुहारको स्याहारको लागि केही घरेलु उपाय पनि अपनाउन सक्नुहुनेछ। गर्मीमा अनुहारमा नुनको प्रयोग पनि गर्न सक्नुहुन्छ। नुनले छालालाई नरम र चिल्लो बनाउन सक्छ। किनकी यसमा मिनरल्स पाइन्छ र यो मृत छाला हटाउन राम्रो प्राकृतिक स्क्रब हो।
तर नुन सीधैं छालामा प्रयोग गर्नु हानिकारक हुन सक्छ। तसर्थ, फेस मास्क र स्क्रबमा यसरी नुन प्रयोग गरेर आफ्नो सुन्दरता बढाउनुहोस्।
नुन मिसाएर फेस मास्कः अनुहारको छाला नरम र चम्किलो बनाउन चाहनुहुन्छ भने फेस मास्कमा नुन मिसाएर फेस प्याक तयार गर्नुहोस्। यसका लागि दुई चम्चा मह लिनुहोस् र त्यसपछि त्यसमा आधा चम्चा रक नुन मिसाउनुहोस्। यो मिश्रण अनुहारमा लगाउनुहोस् र दस मिनेटको लागि छोड्नुहोस्। त्यसपछि मनतातो पानीले अनुहार धुनुहोस्। महले एन्टिब्याक्टेरियलको रूपमा काम गर्छ भने नुनको मद्दतले सबै छिद्रहरू सफा हुन्छ र छाला एकदमै नरम देखिन थाल्छ।
प्राकृतिक स्क्रब बनाउनुहोस्ः अनुहारको साथै घाँटी, ढाड, हात र खुट्टाको छालामा जमेको मृत छाला हटाउन रक नुनको मद्दतले प्राकृतिक स्क्रब तयार गर्न सकिन्छ। करिब एक चौथाई कप नरिवलको तेल लिनुहोस् र यसमा आधा कप रक नुन मिसाउनुहोस्। अब यो मिश्रण हात, खुट्टा र शरीरमा लगाउनुहोस्। यस प्राकृतिक बडी स्क्रबले मृत छाला मात्र सफा गर्दैन छाला पनि एकदम नरम बन्नेछ। यसका साथै छिद्रहरू पनि सफा हुनेछन्। नरिवलको तेलले छालालाई मुलायम बनाउँछ र नुनले सबै मृत छाला सफा गर्छ।
अनुहार टोनर बनाउनुहोस्ः रक नुनको मद्दतले तयार पारिएको टोनरले छालालाई ताजा बनाउँछ र पसिनाले सुख्खा भएको छालालाई स्वस्थ देखाउँछ। टोनर बनाउन आधा कप मनतातो पानीमा एक चम्चा रक नुन घोल्नुहोस्।
जब यो पानी चिसो हुन्छ, कपासलाई यस पानीमा भिजाएर छालामा लगाउनुहोस्। यसले छालाको तेल उत्पादनलाई सन्तुलनमा राख्छ र पिम्पल कम गर्न पनि मद्दत गर्दछ। रक नुनमा एन्टी माइक्रोबियल गुण हुन्छ । जसले छाला सफा गर्न र ब्याक्टेरिया हटाउन मद्दत गर्छ।