पोखरा,
बराल ग्रुप अन्तर्गतको सहायक कम्पनी SPG Automobiles Pvt. Ltd. अन्तर्गतको आधिकारिक विक्रेता Elite Motors Pvt. Ltd. ले NADA Auto Show 2026 मा सहभागिता जनाउने भएको छ।
चैत ११ देखि १५, २०८२ सम्म Pokhara को ताल बाराही चोक मैदानमा आयोजना हुने उक्त पाँचदिने अटो प्रदर्शनीमा अटोमोबाइल क्षेत्रमा भएका नवीनतम प्रविधि र मोडेलहरू अवलोकन गर्न पाइनेछ।
एलिट मोटर्सले स्टल नम्बर A6 र A8 मा Omoda E5, Jaecoo J5, Jaecoo J6T, Nissan Magnite तथा Icaur V23 लगायतका सवारी साधनहरू प्रदर्शन गर्नेछ। प्रदर्शनीमा आउने अवलोकनकर्ताहरूले यी सवारी साधनहरू नजिकबाट अवलोकन गर्न पाउनुका साथै सीमित समयका लागि उपलब्ध विशेष अफरहरूको लाभ लिन सक्नेछन्।
प्रदर्शनी अवधिभर तत्काल बुकिङ गर्ने ग्राहकहरूका लागि विशेष छुट तथा सुविधा पनि प्रदान गरिने कम्पनीले जनाएको छ। साथै, आगन्तुकहरूले अटोमोबाइल क्षेत्रका विज्ञहरूसँग अन्तरक्रिया गरी सवारी साधनमा प्रयोग भएका नवीनतम प्रविधि र विशेषताबारे जानकारी हासिल गर्न सक्नेछन्।
एलिट मोटर्सले सम्पूर्ण सवारी साधनप्रेमी, सम्भावित ग्राहक तथा सर्वसाधारणलाई प्रदर्शनीमा उपस्थित भई Nissan, Omoda, Jaecoo र Icaur जस्ता अन्तर्राष्ट्रिय ब्रान्डका सवारी साधनहरूको अनुभव लिन तथा उपलब्ध विशेष अफरहरूको फाइदा उठाउन आग्रह गरेको छ।
एलिट मोटर्स प्रा.लि. बारे
एलिट मोटर्स प्रा.लि. पोखरामा आधारित एक आधिकारिक सवारी साधन विक्रेता हो, जसले गुणस्तरीय सवारी साधन तथा उत्कृष्ट ग्राहक सेवा प्रदान गर्दै आएको छ।
एसपीजी अटोमोबाइल्स प्रा.लि. बारे
एसपीजी अटोमोबाइल्स प्रा.लि. नेपालमा अन्तर्राष्ट्रिय स्तरका सवारी साधन ब्रान्डहरू भित्र्याउँदै आधुनिक यातायात समाधान उपलब्ध गराउने अग्रणी वितरक कम्पनी हो।
