काठमाडौं :
गत भदौ २९ गते हलमा रिलिज भएको फिल्म ‘नाङ्गो गाउँ’ले बक्स अफिसमा राम्रो व्यापार गरेपछि निर्माणपक्षले सिक्वेलको घोषणा गरेको छ । सोमबार काठमाडौंमा फिल्मका निर्माता हिमाल कडरिया र लेखक तथा निर्देशक दीपेन्द्र लामाबिच सिक्वेल बनाउने सहमति भएको हो ।
फिल्मको सिक्वेलमा दयाहाङ राइले निर्वाह गरेको पात्र ‘पासाङ’ केही समयपछि गाउँ फर्किने कथालाई समावेश गरिने निर्देशक तथा लेखक दीपेन्द्र लामाले जानकारी दिए।
अहिले जहाँबाट फिल्मको कथा सकिएको छ त्यहिबाट फिल्मको कथा सुरु हुने निर्देशक लामाले बताए। यस फिल्ममामा ‘नाङ्गो गाउँ’कै कलाकारहरु दोहोरिने छन् । फिल्ममा दयाहाङ राई,मिरुना मगर,कार्म,साम्राज्ञी राज्य लक्ष्मी शाह,बुद्धि तामाङ,शिशिर वाङ्देल,रबिन्द्र झा लगायतको मुख्य भुमिका रहेको छ।