काठमाडौं :
नयाँ वर्ष २०८१ पहिलो दिन पारेर धेरै नेपाली गीतहरु सार्वजनिक भएका छन् । यहि भिडमा गायिका नीता आचार्य र गायक एबम संगीतकार शंकर थापा ‘स्माइल’को युगल स्वरमा पनि ‘अदभूत माया’ बोलको गीत सार्वजनिक भएको छ।
गीतकार अनिल संग्रौलाको शब्द रचना र शंकरकै संगीत रहेको गीतमा विश्व अधिकारीको एरेन्जमा तयार भएको गीतको भिडियो सहित रिलिज गरिएको हो।
मनाङ्ग जिल्लाको उच्च हिमाली भेगमा खिचिएको गीतको भिडियोमा प्रभातपाल ठकुरी र सोफी धरेलको अभिनय रहेको छ । केशवराज भट्टको कोरियोग्राफी र निर्देशनमा तयार भएको भिडियोलाई उत्सव दा लले खिचेका हुन्। यस गीतको भिडियोलाई मिलन श्रेष्ठले सम्पादन गरेका छन्।
यसअघि पनि गायिका आचार्य र संगीतकार थापाबीचको सहकार्यमा गीतहरु सार्वजनिक भइसकेका छन्।